شركات ضمان الأعطال والجير والمكينة والدفرنس

ارجع اسئل نفس الشركه اللي انت مسوي عندهم ضمان في حالة خراب القير هل يبدل بقير جديد او يوضب وباقي الامور نفس الشي لانه بعضهم يجيب قطع مستعمله !!!

واحد عارض لي سيارة صيناتها كانت بشركة حماية السعودية احد جرب هذي الشركة 
وايش وضع الشركات المماثلة لها
وشكرا

كلام فاضي ولازم تلتزم وياهم بالصيانة الدورية واذا لاسمح الله صار عطل في السيارة كل شغلهم ترقيع من التشليح واذا ناقشتهم يقولون لك هذا من ضمن الشروط الى في الاتفاقيه 
واذا جيتهم تسوي صيانة دورية عشان مايروح عليك الضمان يطفشونك بالمواعيد كأن ماوراك الا هم  وغير كذا اسعارهم مرتفعه بالنسبة لشغل اليد
اخوي هاذي حيله من اصحاب المعارض واتفاقيات عشان والواحد اذا شرى موتر وبمجرد بس مايطلع من باب المعرض ولاسمح الله طلع فيه شي مالك درب عليهم ويحجونك بالضمان الى معك وعلى طول يقولون لك راجعهم 

اخوي الشركات اغلبها سوالف ومبدأها الربحية يعني في شروط الضمان انك تشيكها عندهم كل 3000كم واذا جيتهم للتشييك قاموا يمغطون فيك ويدفعونك مبالغ خيالية علشان ما تلتزم واذا واضبت على الصيانة عندهم وتعطل شي في السيارة يقولك انت تأخرت حتى لو يوم واحد من تاريخ الصيانة المفروضة او كيلو من قرائة العداد المطلوبة واذا العطل في البخاخات مثلا يقولك مو من المكينة عكوس يقولك مو من الدفرنس حساس قير يقولك مو من القير انا اضمن القطع الميكانيكية دون الكهربائية

حبيت اوضح بس